Canllawiau i gyfranwyr Gwerddon

Yma ceir canllawiau ar sut i gyflwyno erthyglau i Gwerddon. Mae'r ddogfen hefyd ar gael ar ffurf Word yma.

Cyflwyno erthyglau

Mae Gwerddon yn cyhoeddi erthyglau academaidd ar draws ystod eang o bynciau yn y Dyniaethau, y Gwyddorau a’r Celfyddydau. Dylai erthyglau fod yn unol â’r arfer o fewn disgyblaeth, ac heb fod yn hwy na 8,000 o eiriau. Dylid cynnwys crynodeb o’r erthygl yn Gymraeg a Saesneg (hyd at 120 gair yr un), a gwybodaeth am yr awdur (hyd at 100 gair). Dylid anfon erthyglau at: gwybodaeth@gwerddon.org

MS Word yw’r feddalwedd a ddefnyddiwn.

• Defnyddier bwlch a hanner rhwng llinellau (yn cynnwys nodiadau a dyfyniadau)
• Dylid rhifo’r tudalennau a dynodi’r dudalen olaf gydag ‘OLAF’.
• Gwahoddir awduron i awgrymu enwau dau arfarnwr o leiaf.

Canllawiau arddull cyffredinol

·         Un bwlch ar ôl atalnodi, yn cynnwys atalnod llawn.

·         Cilosod dyfyniadau sydd dros bum llinell o hyd, heb ddyfynodau, ac heb ddechrau / diweddu gydag elipsis (...)

·         Dyfynodau sengl ar gyfer dyfyniadau o fewn y testun, dyfynodau dwbl ar gyfer dyfyniadau o fewn dyfyniadau.

·         Rhifau tudalennau i’w nodi fel a ganlyn: 4–7, 8–13, 16–8, 20–7, 34–76, 104–6, 136–42.

·         Dyddiau i’w nodi’n llawn: 16 Medi 1400; blynyddoedd CC i’w nodi yn llawn: 536–514, nid 536–14; noder ‘y bedwaredd ganrif ar bymtheg’ yn llawn, ond defnyddier 1800au, ac 1930au, nid ‘tridegau’ neu ‘30au’.

·         Ibid. ar gyfer cyfeiriadau sy’n nodi teitl y cyfeiriwyd ato yn y nodyn blaenorol.

·         Talfyrru/Cywasgu: Ceir atalnod llawn ar gyfer rhai talfyriadau: Ffig., gol., cyf., ibid., y Parch., ond nid ar gyfer y mwyafrif o gywasgiadau: Mr, Dr. Nid oes angen atalnodau ar gyfer y mwyafrif o acronymau a thalfyriadau eraill – UDA, y DU, AS, AC, DS, ond Ph.D, M.A, M.Sc.

·         Priflythrennau: yr Eglwys (sefydliad) ond yr eglwys (adeilad); y Llywodraeth (penodol) ond y llywodraeth (cyffredinol); arlywydd yr Unol Daleithiau ond Arlywydd Obama. Defnyddier llythyren fach ar gyfer ‘de Cymru’ gan nad oes rhanbarth gwleidyddol, ond Gorllewin Abertawe ar gyfer yr etholaeth seneddol.

·         Am gyfarwyddyd pellach gweler:

Canllawiau Gwasg Prifysgol Cymru, ar gyfer materion na nodir yng nghanllawiau Gwerddon.

Rhiannon Ifans, Y Golygiadur: llawlyfr i awduron a golygyddion (Aberystwyth, 2006) 

Cyfeirio at ffynonellau

Yn ôl natur y testun, defnyddier y naill neu’r llall o’r ddwy ffurf sy’n dilyn, gan lynu’n gyson at un dull.

1.      Y dull awdur-dyddiad (a elwir weithiau yn ddull Harvard)

Dylid rhoi’r cyfeiriadau ar y ffurf ganlynol:

Yn y testun:

(Bowen a Gresham, 1967)

(Follett a Roderick, 1996)

O dan y pennawd ‘Llyfryddiaeth’ ar ddiwedd y testun, noder pob ffynhonnell y cyfeirir ati yn y testun yn y ffurf ganlynol:

Bowen, E. G. a Gresham, C. A. (1967), History of Merioneth. Vol I, From the earliest times to the age of the native princes (Dolgellau, Merioneth Historical and Record Society).

Follett, P. A. a Roderick, G. K. (1996), Genetic estimates of dispersal ability in the leucaena psyllid predator Curinus coeruleus (Coleoptera: Coccinellidae): implications for biological control, Bulletin of Entmological Research 86, 355–361.

2.      Y dull teitlau byr

Defnyddier ôl-nodion, nid troednodiadau, gan ddilyn y canllawiau canlynol:

Llyfrau:

• teitlau llyfrau – priflythrennu, dim dyfynodau, italic.

• teitlau penodau – priflythrennau, dyfynodau sengl, dim italic.
• noder man cyhoeddi cyfrolau, ond nid cyhoeddwr.
• noder teitl llawn yn y cyfeiriad cyntaf, ond cyfenw’r awdur a theitl byr mewn cyfeiriadau pellach.
• Awdur, teitl (man cyhoeddi, blwyddyn cyhoeddi), rhif tudalen(nau).

R. T. Jenkins, Casglu Ffyrdd (Wrecsam, 1956), tt. 114–15.

G. Nesta Evans, Religion and Politics in Mid-Eighteenth Century Anglesey (Cardiff, 1953), t. 117.

Jenkins, Casglu Ffyrdd, t. 21.

Tegwyn Jones, ‘Lewis Morris: Cofnodwr Coelion’ yn E. Wyn James a Tecwyn Vaughan Jones (goln.), Gwerin Gwlad: Ysgrifau ar Ddiwylliant Gwerin Cymru, Cyfrol 1 (Llanrwst, 2008), tt. 67–88.

Evans, Religion and Politics, tt. 118–20.

Jones, ‘Lewis Morris: Cofnodwr Coelion’, t. 70.

Erthyglau.

• Teitlau cyfnodolion – yn llawn yn y cyfeiriad cyntaf, priflythrennu, italic.
• Teitlau erthyglau – priflythrennu, dyfynodau sengl, dim italic.
• Rhif cyfrol mewn rhifau arabeg neu rufeinig yn ôl arfer y cyfnodolyn, gan sicrhau cysondeb: awdur, ‘enw’r erthygl’, cyfnodolyn, cyfrol:rhif (blwyddyn cyhoeddi), rhif tudalen(nau).

Mary Clement, ‘John Vaughan, Cwrt Derllys, a’i Waith (1663–1722)’, Trafodion Anrhydeddus Gymdeithas y Cymmrodorion, 1942 (1944), 91–92.

R. Rees Davies, ‘Owain Glyn Dŵr a’i Apêl’, Y Traethodydd, CLV, rhif 655 (2000), 207.

Ffigyrau a thablau